knowledge and thought

Damayazika Pagoda ဓမ္မရာဇက ဘုရားသည်ပုဂံမြို့ဟောင်းအရှေ့ပိုင်း ဖွားစောရွာတွင် တည်ရှိပါသည်။ ထိုဘုရားကို ခရစ်သက္ကရာဇ် ၁၁၉၈ တွင် နရပတိစည်သူမင်း က တည်ခဲ့ပါသည်။ ထိုဘုရားမှာမုဒ်ဦးငါးခု ပါရှိပြီး အောက်ခံ ပစ္စယံခုံလုံး ပဉ္စဂံပုံရှိခြင်းမှာအများအားဖြင့် စတုရန်းပုံရှိသော အခြားပုဂံဘုရားများနှင့်မတူပဲဤစေတီ၏ထူးခြားချက်တရပ်ဖြစ်သည်။ ရှေးဟောင်းပုဂံဘုရားများအနက် အမြင်လှပတင့်တယ်(သပ္ပယ်)ပြီး တည်ဆောက်ပုံအချိုးကျသော စေတီတဆူဖြစ်ပါသည်။ စေတီနှင့်ကပ်လျှက်အရပ်ငါးမျက်နှာ၌ ဘုရားကျောင်းဆောင်ငါးခုရှိပြီး ဗုဒ္ဓရုပ်ပွားတော် ငါးဆူ ကိန်းဝပ်စံပယ်တော်မူနေပါသည်။ ဘဒ္ဒကမ္ဘာ၌ပွင့်ပြီးနှင့် ပွင့်လတ္တံ့ဘုရားများကိုရည်ညွှန်းပါသည်။ ခေါင်းလောင်းပုံ စေတီ၏အောက်ခြေ၌ ပဉ္စဂံပုံစံ ပစ္စယာသုံးဆင့် ရှိပြီး ပစ္စယာများ၏ဘေးဖက်တွင် ဗုဒ္ဓ၏ဘဝဖြစ်တော်စဉ် ၅၅၀နိပါတ်တော်လာပုံများကိုစာနှင့်တကွရေးထွင်းထားသည့် စဉ့်စိမ်းအုတ်ချပ်များ လက်ယာရစ်အတိုင်း ပတ်ပတ်လည်ကပ်ထားပါသည်။ ဤဘုရား၌ သီဟိုဠ်ဘုရင်ထံမှရသော ဓာတ်တော်လေးဆူကိုဌာပနာထားရှိကြောင်း၊ ဘုရားတည်ရာ လက်ခငွေ ၄၄၀၂၇ ကျပ် ကုန်ကျကြောင်းကို စေတီအရှေ့မျက်နှာ တဝဂူအတွင်း၌ ရေးထိုးထားသော ဘုရားတည်မော်ကွန်းကျေ...

ကမ္ဘာ့ရှေးအကျဆုံးမြို့များ စတည်တဲ့အချိန်ကစပြီး ယနေ့အထိ တဆက်တစပ်တည်း မပြတ်တမ်း လူနေထိုင်လျှက်ရှိတဲ့ ကမ္ဘာ့ရှေးအကျဆုံးမြို့များဖြစ်ပါတယ်။ အခုဖော်ပြထားတဲ့မြို့အားလုံးရဲ့ လူနေထိုင်တဲ့သက်တမ်းဟာ နှစ်ပေါင်းထောင်နဲ့ချီကြာခဲ့ပါပြီ။ မြို့အများစုက အရှေ့အလယ်ပိုင်းနဲ့ မြေထဲပင်လယ်တဝိုက်မှာ တည်ရှိတာတွေ့ရပါတယ်။ အိန္ဒိယနဲ့တရုပ်ကလည်း တမြို့စီ ပါဝင်ပါတယ်။ ၁၂.ဗာရာဏသီမြို့ အမေရိကန်စာရေးဆရာကြီးမက်တွို င်း က "ယဉ်ကျေးမူတွေထက် စောတဲ့မြို့ သမိုင်းတွေထက် ပိုအိုမင်း တဲ့မြို့ ယုတ်စွအဆုံး ဒဏ္ဏာရီတွေတောင် လက်လှမ်း မမှီတဲ့မြို့ လို့ဆိုခဲ့ပါတယ်။ လူနေထိုင်လာတဲ့သက်တမ်းက အနစ် လေးထောင်လောက်ရှိပါပြီ။ ဂဂါင်္မြစ်ကမ်းမှာရှိပြီး ကမ္ဘာတဝှမ်းက ဟိန္ဒူ ဘာသာဝင်တွေရဲ့ အထွတ်အမြတ်ထားရာမြို့ ဖြစ်ပါတယ်။ ၁၁.လိုရန်မြို့ လွန်ခဲ့တဲ့ နှစ်ပေါင်းလေးထောင်လောက်က စပြီး တဆက်တည်းလုနေထိုင်လာခဲ့တဲ့မြို့ ဖြစ်ပါတယ်။ တရုပ်နိုင်ငံအလယ်ပိုင်းလွင်ပြင်ဒေသ Lei နဲ့Yi မြစ်ခွဆုံမှာတည်ရှိပါတယ်။ တရုပ်နိုင်ငံရဲ့ရှေးအကျဆုံးမြို့ဖြစ်ပြီးတသ ရှေးဟောင်းသမိုင်းဝင် မြို့တော်တခုလည်း ဖြစ်ပါတယ်။ တရုပ်ရာဇဝင်အရ ဘီစီ၂၀၇၀ မှာ Xiaမင်း...

ကျွန်တော်တို့ရဲ့အနောက်ဖက်က အိမ်နီးချင်း အိန္ဒိယနိုင်ငံဟာကမ္ဘာ့အကြီးဆုံးဒီမိုကရေစီ နိုင်ငံကြီးဖြစ်ပါတယ်။ အင်္ဂလိပ်လက်အောက်ကို မြန်မာနဲ့ မရှေးမနှောင်းကျရောက်ခဲ့ပြီး လွတ်လပ်ရေးရတဲ့အချိန်လည်း သိတ်မကွာတဲ့ နိုင်ငံတခုဖြစ်ပါတယ်။ ယနေ့အိန္ဒိယနိုင်ငံမှာ လူဦးရေသန်းပေါင်း၁၃၃၀ကျော်ရှိပြီး ဂျပန်တို့ ကိုရီးယားတို့လို လူမျိုးတမျိုးတည်း နေထိုင်ပြီးယဉ်ကျေးမူတခုတည်းရှိတဲ့ Homogeneous country မဟုတ်ပါဘူး။ တရုပ်နိုင်ငံလို လူမျိုးတမျိုးတည်းက ၉၀ရာနူန်းကျော်နေထိုင်ပြီးလူမျိုးတမျိုးတည်းရဲ့ယဉ်ကျေးမူကလွှမ်းမိုးထားတဲ့ နိုင်ငံတခုလည်းမဟုတ်ပါဘူး။ အိန္ဒိယမှာ လူမျိုးစုပေါင်း၂၀၀၀ကျော်ရှိပါတယ်။ (မြန်မာနိုင်ငံလိုသာဆို လူမျိုးစုလက်နက်ကိုင်အဖွဲ့ပေါင်း နှစ်ထောင်ကျော်မယ့်ပုံပဲ) ပြောဆိုသုံးစွဲတဲ့ဘာသာစကားပေါင်း တထောင်လောက်ရှိပါတယ် အဲဒီထဲမှာ အင်ဒိုအာရိယန် ဘာသာစကားအုပ်စုဝင်တွေက၇၄%လောက်ရှိပြီး ဒြာဗီဒီယန်ဘာသာစကားအုပ်စုဝင်တွေက၂၄%လောက်ရှိပါတယ်။ ကျန်တာတွေက သြစရိုအေရှားတစ် နဲ့ စီနိုတိဗက် ဘာသာစကားအုပ်စုဝင်တွေဖြစ်ပါတယ်။ ယနေ့အိန္ဒိယကို လွှမ်းမိုးထားတဲ့ အင်ဒိုအာရိယန် အနွယ်တွေဟာ အိန္ဒိယကို အဦးဆုံးအခြေချခဲ...

Bamboo  reinforced concrete သံချောင်းအစားထိုး ဝါးကူကွန်ကရစ်နည်းပညာတဲ့။ ဝါးရဲ့ tensile strength(ဆွဲဆန့်ခံနိုင်အား) ဟာ strength to weight ratioအရကြည့်ရင် သံချောင်းထက်သာပါတယ်။ compressive strength(ဖိသိပ်ခံနိုင်အား) မှာလည်းကွန်ကရစ် ထက်သာပါတယ်။ Modulus of elasticityမှာတော့ သံချောင်း ထက် တော်တော်လေးနည်းနေတာတွေ့ရပါတယ်။အဲဒီအတွက် သံချောင်းနဲ့ထပ်တူ အစားထိုးသုံးလို့တော့မဖြစ်နိုင်ပါဘူး။ ဒါပေမယ့် member အရွယ်အစားချင်းတူရင်ကွန်ကရစ်သက်သက်ထက် နည်းလမ်းမှန်စွာပြုလုပ်ထားတဲ့ဝါးကူကွန်ကရစ်က ဝန်ကို လေးဆအထိ ပိုထမ်းနိုင်တယ်လို့ဆိုပါတယ်။ အနာဂါတ်ဆောက်လုပ်ရေးမှာ ကွန်ကရစ်ကို အားဖြည့်ဖို့ပေါင်းစပ်စ္စည်းအဖြစ် သံချောင်းအစား ဝါးကိုအခြေခံထားတဲ့ကွန်ပိုစစ် ကိုအသုံးပြုလာကြလိမ့်မယ်လို့ ဆွစ်ဇာလန်နိုင်ငံဇူးရစ်နည်းပညာတက္ကသိုလ်က ပါမောက္ခ ဟေဘယ် က စင်္ကာပူဗိသုကာပြပွဲတခုမှာပြောခဲ့ပါတယ်။ ဝါးဟာမြန်မာပြည်မှာအလွန်ပေါများတဲ့ကုန်ကြမ်း ပစ္စည်းဖြစ်ပြီးကြီးထွားမြန်တဲ့Renewable အစစ်အမှန်လည်းဖြစ်ပါတယ်။ ထုတ်ယူလို့လျော့နည်းသွား၊ကုန်ဆုံးသွားတာမျိုးမဖြစ် အမြဲမပြတ် တသမတ်တည်း ရနေနိုင်လို့sustainable လည်းဖြစ်ပါတယ်...

ကမ္ဘာ့ပထမဆုံးဓာတ်ဆီအင်ဂျင်နဲ့့မောင်းနှင်တဲ့ မော်တော်ကား ကိုမားစီးဒီးဘင့်ဇ်ကားတို့ရဲ့ဖခင်ကြီးဖြစ်တဲ့ ကားလ်ဘင့်ဇ်(Karl Benz) က ၁၈၈၅ ခုနှစ်မှာ တီထွင်ခဲ့ပါတယ်။ သူ့ရှေ့မှာ ရေနွေးငွေ့အင်ဂျင်နဲ့မောင်းတဲ့ လမ်းပေါ်သွားယာဉ်တီထွင်သူတွေ၊ လျှပ်စစ်နဲ့မောင်းတဲ့ယာဉ်တီထွင်သူတွေ ရှိပေမယ့် ကားလ်ဘင့်ဇ် ကိုသာ ယခုခေတ်ကားတွေရဲ့ ရှေ့ဆောင် တီထွင်သူအဖြစ် သတ်မှတ်ကြပါတယ်။ သူ့ကားရဲ့ထူးခြားချက် က အတွင်းမီးတောက်အင်ဂျင်(Internal Combustion Engine) ကို အသုံးပြုထားပြီး အင်ဂျင်နဲ့ကိုယ်ထည်ကို ယူနစ်တခုတည်း အဖြစ်ပေါင်းစပ်ပြုလုပ်ထားတာဖြစ်ပါတယ်။ သူ့ကားတန်ဖိုးက ယခုခေတ်ငွေတန်ဖိုးနဲ့ဆို ဒေါ်လာနှစ်သောင်းခွဲလောက်ကျပါတယ်။ ကားအလေးချိန်က ၂၆၅ကီလိုရှိပြီး အရှည်က၂.၇မီတာ၊ အနံက၁.၄မီတာ ရှိပါတယ်။ တနာရီကို ၁၆ကီလိုမီတာ မောင်းနှင်နိုင်ပါတယ်။ အင်ဂျင်ကမြင်းကောင်ရေသုံးမတ်ရှိတဲ့ single cylinder four-stroke အင်ဂျင်ဖြစ်ပါတယ်။ ဓာတ်ဆီ၁လီတာက်ို ၁၀ကီလိုမီတာမောင်းနိုင်ပါတယ်။ ဂျာမန်စက်မူအင်ဂျင်နီယာတဦးဖြစ်တဲ့ ဘင့်ဇ် ဟာ သူတီထွင်ခဲ့တဲ့အဲဒီကားကို မူပိုင်ခွင့်လျှောက်ထားခဲ့ရာ ၁၈၈၆ ခုနှစ်ဇန်နဝါရီလ၂၉ရက်မှာ German Patent No.3...

တောင်ငူ(၁) အာရှမြောက်ပိုင်းစတက်မြက်ခင်းတွေဆီကလူမျိုးစုတစုဟာရာစုနှစ်ပေါင်းများစွာအနောက်ဖက်ကိုတရွေ့ရွေ့ထွက်ခွာသွားခဲ့ကြပြီးယနေ့တူရကီနိုင်ငံနေရာမှာတဖြေးဖြေးချင်းအင်အားတွေစုစည်းသွားမိခဲ့ကြတယ်။၁၅ရာစုမှာတော့သူတို့ဟာဥရောပအင်အားကြီးနိုင်ငံတွေကိုနားရွက်တံတွေးဆွတ်တော့မယ့်အော်တိုမန်အင်ပါယာကြီးကိုဗြုန်းဆိုကောက်ထောင်လိုက်ကြပြီးဥရောပနဲ့အာရှဆက်သွယ်ရေးလမ်းကြောင်းကြီးကိုကားယားခွထားလိုက်ပါတယ်။ ဒီအဖြစ်အပျက်ဟာကမ္ဘာ့သမိုင်းကြောင်းကိုအကြီးအကျယ်ပြောင်းလဲသွားစေခဲ့တယ်။ အစဉ်အဆက်ကုန်သွယ်ခဲ့ကြတဲ့ကုန်းတွင်းပိုးလမ်းမကြီးပိတ်ဆို့သွားတာကြောင့်ဥရောပသားတွေဟာတရုပ်နဲ့အာရှကိုပေါက်ရောက်ဖို့အတွက်လမ်းကြောင်းအသစ်တွေရှာကြံလာရတော့တယ်။အဲဒီလိုရှာကြံရင်းနဲ့ကိုလံဘတ်တို့။ဗတ်စကိုဒဂါးမားတို့လိုစွန့်စားသူတွေကအာရှကိုကုန်သွယ်နိုင်မယ့်ပင်လယ်ရေကြောင်းလမ်းအသစ်တွေကိုတွေ့ရှိလာခဲ့တယ်။ဥရောပမှာလစ္စဘွန်း။အမ်စတာဒမ်။လန်ဒန်အစရှိတဲ့ပင်လယ်ဆိပ်ကမ်းမြို့ကြီးတွေပေါ်ထွန်းလာပြီးပင်လယ်ရေကြောင်းလမ်းဟာကမ္ဘာရဲ့အဓိကကုန်စည်စီးဆင်းရာလမ်းကြောင်းဖြစ်လာခဲ့တယ်။ပင်လယ်ဆိပ်ကမ်းကောင်းရှိ ခြင်းဟာနိုင်ငံတခုရဲ့အသက်သွေးကြောဖြစ်လာခဲ့တယ်။ပင်လယ်ဆိပ်ကမ်းရှိတဲ့မြို့တွေနို...

မန္တလေးမှာကွန်ကရစ်လောင်းနေစဉ် ငြမ်းစင်ပြိုကျတဲ့သတင်းကြားမိတဲ့အချိန်မှာ ကျွန်တော်တို့siteမှာလည်း 400mmထုရှိပြီး spanက 10mလောက်ရှိတဲ့slabလောင်းဖို့ ့ငြမ်းဆင်နေချိန်ဖြစ်ပါတယ်။တီတိုင်အမြင့်ကလည်း 10mလောက်ရှိတယ်ဆိုတော့နည်းနည်းတော့ စိုးရိမ်စိတ်ဝင်သွားမိပါတယ် ပြည်တွင်းsiteတွေဆိုတာက အားလုံးသိကြတဲ့အတိုင်းပဲ formwork ဆိုတာကို များသောအားဖြင့် ဘယ်သူမှdesignလုပ်ကြတာမဟုတ်ပါဘူး။ လက်သမားတွေ (တခါတလေအင်ဂျင်နီယာပါကောင်းပါမယ်)ကသူတို့ရဲ့အတွေ့အကြုံနဲ့ပဲ မှန်းဆလုပ်နေကြတာများပါတယ်။ မန္တလေးကသတင်းကြားတော့ကျွန်တော်လည်း designအရတွက်ချက်လုပ်ထားတာမဟုတ်တဲ့ subcontractorတွေဆင်ထားတဲ့ slab formworkကို ဒီအတိုင်းမျက်စိမှိတ် ခွင့်ပြုဖို့မဝံ့မရဲဖြစ်သွားပါတယ်။ formworkဆိုတာကမပြို ၊မပွင့်ထွက်ဘူးထားဦး  နည်းနည်း deformဖြစ်ရင်တောင်မှ ကိုယ်လိုချင်တဲ့structureပုံစံသွင်ပြင်ကိုတော့ အနည်းနဲ့အများထိခိုက်သွားမှာပါ။ အဲဒီအတွက်ကွန်ကရစ်မလောင်းခင် ဆင်ထားတဲ့formworkကို အရင်ဆုံး load testလုပ်ကြည့်ဖို့စဉ်းစားမိပါတယ်။ ကျွန်တ်ာလုပ်ခဲ့တဲ့ Load test ကတော့ ရိုးရိုးရှင်းရှင်းကလေးပါပဲ။ ဘယ်သူမဆိုလုပ်နိုင်ပါတယ်။ slabရဲ့့...

"မဟာဗျူ ဟာမြောက်မိတ်ဆွေဖွဲ့မူ" အာဖရိကမြက်ရိုင်းတောတွေထဲမှာ မြင်းကျားအုပ်နဲ့အတူတကွလှည့့်လည်နေကြတဲ့ ငှက်ကုလားအုတ်တွေကို မကြာခဏတွေ့မြင်နိုင်ပါတယ်။ မြင်းကျားတွေမှာအလွန်ကောင်းတဲ့အနံ့ခံအာရုံနဲ့ အကြားအာရုံရှိပေမယ့်အမြင်အာရုံချို့တဲ့ပါတယ်။ ငှက်ကုလားအုတ်တွေမှာကအလွန်စူးရှတဲ့အမြင်အာရုံရှိပါတယ်။ ဒါပေမယ့်အနံ့ခံအာရုံနဲ့အကြားအာရုံကျတော့ညံ့ဖျင်းပါတယ်။ သူတို့နှစ်ဦးပူးပေါင်းနေထိုင်ခြင်းဖြင့်တဦးရဲ့အားနည်းချက်ကိုတဦးကဖေးမကူညီပေးပြီးခြသေ့င်္တွေရဲ့ဘေးရန်ကနေလွတ်မြောက်အောင်စွမ်းဆောင်နိုင်ကြပါတယ်။ Written by Kyaw Min Aung

ခမာကြးရုပ်ကြီးရဲ့ မဟာခရီး ခမာအင်ပါယာရဲ့တန်ခိုးသြဇာကျဆင်းလာတဲ့၁၅ ရာစုလောက်မှာယိုးဒယားတွေကခမာနယ်မြေတွေထဲဝင်တိုက်ပြီး ဒီကြေးရုပ်ကြီးကိုအယုဒ္ဓယကိုသယ်ဆောင်လာခဲ့ပါတယ်။ ၁၅၆၄ ခုနှစ်မှာဘုရင့်နောင်က အယုဒ္ဓယကနေစစ်ပွဲအောင်နိုင်မူအထိမ်းအမှတ်အဖြစ် ဒီခမာကြေးရုပ်ကြီးကိုတခြားရုပ်တုတွေနဲ့အတူပဲခူးကို ယူဆောင်သွားပါတယ်။ ၁၆၀၀ ခုနှစ်မှာ ရခိုင်တပ်တွေကပဲခူးကို သိမ်းပိုက်ပြီးနောက်မှာ မြောက်ဦးမြို့ကို မ သွားခဲ့ပါတယ်။ ၁၇၈၅ ခုနှစ်မှာတော့ဘိုးတော်ဘုရားရဲ့သားတော်သတိုးမင်းစောကရခိုင်ကိုအောင်နိုင်ပြီးနောက် မြောက်ဦးကနေ အမရပူရမြို့ကိုတဖန်ပြန်သယ်လာခဲ့လို့အခုလက်ရှိမဟာမုနိဘုရားကြီးဝင်းထဲမှာ ခမာကြေးရုပ်ကြီးရဲ့ရာစုနှစ်နဲ့ချီတဲ့အရှေ့တောင်အာရှခရီးစဉ်အဆုံးသတ်သွားပါတယ်။

ရုရှားထံကဝယ်ယူခဲ့တဲ့ အမေရိကန်ရဲ့အကြီးဆုံးပြည်နယ်  ၁၉၅၉ခုနှစ် ဇန်နဝါရီလ ၃ ရက်နေ့မှာ အမေရိကန်ပြည်ထောင်စုရဲ့ ၄၉ ခုမြောက်ပြည်နယ်ဖြစ်လာခဲ့တဲ့ အလက်စကားဒေသဟာစတုရန်းမိုင်ပေါင်း ၆၆၀၀၀၀ကျော်ကျယ်ဝန်းပြီးလူဦးရေက တော့ခုနှစ်သိန်းကျော်ပဲရှိပါတယ်။ အမေရိကန်ပြည်ထောင်စုမှာအကျယ်ဆုံးပြည်နယ်ဖြစ်ပြီးအခြားပြည်နယ် ၄၈ခုပေါင်းထားတဲ့အကျယ်အဝန်းရဲ့ငါးပုံနှစ်ပုံလောက်ရှိပါတယ်။ရ လူဥှးရေသိပ်သည်းမူက တစတုရန်းမိုင်မှာ ၁.၂၆သာ ရှိတဲ့အတွက် အမေရိကန်ပြည်ထောင်စုမှာလူနေအကျဲပါးဆုံးပြည်နယ်ဖြစ်ပါတယ်။ အကြီးဆုံးမြို့က အန်းကားရေ့ ဖြစ်ပြီး မြို့တော်က Juneau ဖြစ်ပါတယ်။ အလက်စကား ဆိုတဲ့နာမည် က ဌာနေတိုင်းရင်းသားAlutတို့ရဲ့ဘာသာစကားကဆင်းသက်လာတာဖြစ်ပြီး "ပင်လယ်ရဲ့ အာဏာသက်ရောက်မူများဦးတည်ရာဌာနေ" လို့ အဓိပ္ပါယ်ရပါတယ်။ အလက်စကားဒေသကို၁၇၄၁ခုနှစ်မှာ ဒိန်းမတ်လူစွန့်စားဘားရင်းကရှာဖွေတွေ့ရှိခဲ့ပါတယ်။အဲဒီနောက်မှာရုရှား လူမျိုးဝေလငါးဖမ်းသမားတွေ၊သားမွေးကုန်သည်တွေက ကမ်းလွန်ကကျွန်းတွေမှာ စ အခြေချလာခဲ့ပါတယ်။ အလက်စကားဟာ ၁၈၆၇ ခုနှစ်အထိရုရှားအင်ပါယာရဲ့အစိတ်အပ်ိုင်းတခု အဖြစ်သာရှိနေခဲ့ရာမှ အဲဒီခုနှစ်မှာ ရုရှားဇာဘုရ...

သမိုင်းထဲကဒီနေ့ ၁၉၄၈ ခုနှစ်ဇန်နဝါရီလ ၃၀ရက်နေ့မှာ အိန္ဒိယနိုင်ငံလွတ်လပ်ရေးအတွက် အကြမ်းမဖက်ရေးဝါဒနဲ့သည်းခံခြင်းတရားကိုလက်ကိုင်ထားကာတိုက်ပွဲဝင်ခဲ့သူ ယနေ့အထိတကမ္ဘာလုံးရဲ့အကြည်ည်ို အလေးစားခံရဆုံး၊ ကျော်ကြားထင်ရှားတဲ့ကမ္ဘာ့ခေါင်းဆောင်တွေစံနမူနာယူရတဲ့ ခေါင်းဆောင်တဦးဖြစ်သူ၊ ကြီးမြတ်သောဝိညာဉ်ပိုင်ရှင်ကြီးလို့သူ့ပြည်သူတွေကရိုသေမြတ်နိုးစွာ ခေါ်ဆိုကြတဲ့ မဟတ္တမဂန္ဒီဟာ ဟင်ဒူအမျိုးသားရေးဝါဒီ အစွန်းရောက်တဦးရဲ့လုပ်ကြံသတ်ဖြတ်မူကြောင့်ကွယ်လွန် အနိစ္စ ရောက်ခဲ့ရပါတယ်။ အဲဒီအချိန်တုန်းကလွတ်လပ်ရေးရပြီးကာစအိန္ဒိယမှာ ဟင်ဒူ-မူဆလင် ဘာသာရေးလူမျိုးရေး အဓိကရုဏ်းများပြင်းထန်စွာတောက်လောင်နေချိန်ဖြစ်ပါတယ်။ ဒါပေမယ်သူ့ကိုလုပ်ကြံခဲ့သူဟာမူဆလင်တယောက်မဟုတ်ပဲဘာသာတူဟင်ဒူဘာသာဝင်တယောက်ဖြစ်နေခြင်းကလည်းမှတ်သားစရာပဲဖြစ်ပါတယ်။ ဂန္ဒီကိုလုပ်ကြံခဲ့တဲ့နာသူရမ်းဂေါ့ဆေးဆိုသူဟာကျောင်း သားဘဝကဂန္ဒီကိုအထင်ကြီးလေးစားခဲ့သူတဦးဖြစ်ပါတယ်။ အိန္ဒိယလွတ်လပ်ရေးရချိန်မှာဗြိတိသျှကမူဆလင်နဲ့ဟင်ဒူနယ်မြေတွေခွဲ ခြမ်းလွပ်လပ်ရေးပေးတဲ့အခါမှာ ဂန္ဒီဟာမူဆလင်တွေပေါ်လိုက်လျောလွန်းအားကြီးတယ်လို့ထင်မြင်ယူဆပြီးလုပ်ကြံဖို့စတင်ကြံစည်ခဲ့တာဖြစ်ပါတယ်။ တကယ်စင်စစ...

ပုဂံနဲ့ ကူဘလိုင်ခန် *********                                                                                                                ပုဂံကိုရောက်ရင်ပုဂံခေတ်ရဲ့ကြီးကျယ်ခမ်းနားခဲ့တဲ့ အချိန်တွေကို မြန်မာလူမျိုးတိုင်း ပြန်ပြောင်းသတိရမိကြမှာဖြစ်သလိုလက်ရှိမြန်မာကို အထင်မကြီးတဲ့နိုင်ငံခြားသားတွေတောင်မှ လွန်ခဲ့တဲ့နှစ်ပေါင်း တထောင်လောက်က မြန်မာတွေရဲ့မြို့တော်ဟောင်းကိုကြည့်ပြီ: ရင်သပ်ရူမော အံ့သြဘနန်းဖြစ်ကြရမှာအသေအချာပါပဲ။ ခန့့်ငြားထည်ဝါထုထည်ကြီးမားပြီး၊ လက်ရာလည်းသေသပ်ကောင်းမွန် လှတဲ့ လက်ညိူးထိုးမလွဲတွေ့ရမယ့့်ဘုရားပုထိုးတွေ၊ယဉ်ကျေးမူအဆောက်အဦ တွေကြည့့်ပြီး ဒီလောက်ကြီးကျယ်ခမ်းနားခဲ့တဲ့ နိုင်ငံတခုဟာ ဘယ်ပုံ ဘယ်နည်းကြမ္မာဆိုးနဲ့ကြုံပြီးနိဂုံးကမ္ပတ်အဆုံးသတ်ခဲ့ရပါလိမ့်လို့ ဆက်လက်တွေးတောမိကြမှ...