ပြဿဒ်ကြီးဘုရားက နှစ်ထပ်အမိုးပေါင်းခုံး


Written by Kyaw Min Aung







ကျစွာမင်းဟာ ဒီဘုရားကိုပြီးစီးအောင်မတည်နိုင်ခဲ့ပါဘူး။တကယ်လို့သာ အပြီးအစီးတည်နိုင်ခဲ့မယ်ဆိုရင် ဒီဘုရားဟာလည်းပုဂံမှာ အကြီးကျယ်ဆုံး
ဘုရားတွေထဲကတဆူဖြစ်လာမှာ
မြေကြီးလက်ခတ်မလွဲပါ။
ကျစွာမင်းလက်ထက်မှာ ပုဂံရဲ့တန်ခိုး
အာဏာဟာ turning pointကို စတင်
ရောက်ရှိလာပါတယ်။
အဓိက နိုင်ငံတော်ဘဏ္ဏာ ရရာရကြောင်းဖြစ်တဲ့ အခွန်အတုပ်တွေလျော့နည်းလာတဲ့အတွက်
နိုင်ငံရဲ့ဓနအင်အားလည်းကျဆင်းလာပါတယ်။
အခွန်အတုပ်တွေကောက်ခံရရှိမူ
နည်းပါးလာရတဲ့အကြောင်းတချက်ကတော့ဘုရင်ပိုင်လယ်မြေတွေလျော့ပါးလာတာရယ်၊သာသနာအတွက်
လှူဒါန်းလိုက်တဲ့မြောက်မြားစွာသောလယ်မြေတွေကနေအခွန်ကောက်ခံခွင့်မရှိတော့လို့ရယ် ဖြစ်ပါတယ်။
ငွေကြေးအကျပ်အတည်းဆိုက်ရောက်နေတဲ့ဘုရင်ဟာ ဘုရားတည်တဲ့ပညာရှင်တွေ၊အလုပ်သမားတွေကိုလုပ်ခလစာမှန်မှန်
မပေးနိုင်တော့ဘူးလို့ဆိုပါတယ်။
(တကယ်ဆို သရပါတံခါးမှာ ဝါးလုံးတလုံးကောက်တားပြီးဝါးတားဂိတ်
လုပ်လိုက်ရင်တောင်
ဘုရားတည်ဖို့လိုတဲ့ ငွေပမာဏလောက်
တော့အေးအေးဆေးဆေးရနိုင်ပါတယ်)
အဲလိုလုပ်ခတွေမှန်မှန်မရတော့ အလုပ်သမားတွေဟာစိတ်ပျက်လက်ပျက်နဲ့ ဆက်လက်အလုပ်လုပ်ချင်စိတ်မရှိတော့တဲ့အတွက်"ဘုရားကြီးပြီးရင် ဘုရင်နတ်ရွာစံလိမ့်မယ်" လို့သဘောင်လိုလို ဘာလိုလိုနဲ့ကောလဟလလွှင့်ထုတ်ပြီးpsycological warfareနဲ့ဘုရင်ကိုဂျင်းထည့်ပါတယ်။
ဘုရင်ဟာ အဲဒီတဘောင်စကားကိုအမှန်တကယ်ယုံကြည်သွားပြီး သူ့လုပ်လက်စ
အရှိန်ရနေတဲ့
မံကိန်းကြီးတခုကိုလမ်းတဝက်မှာ
ရပ်တန့်ပစ်ခဲ့ပါတယ်။

သူ့နောက်တက်လာတဲ့ဘယ်ဘုရင်မှလည်း တိုးလိုတန်းလန်းဖြစ်နေတဲ့ဒီဘုရားကြီးကိုလက်စသတ်ပေးဖို့ မစဉ်းစားကြပဲ နောက်ထပ်
အသစ်ထပ်တည်ဖို့လောက်သာ စိတ်အားထက်သန်ကြပါတယ်။
ရှေးလူလုပ်သွားတဲ့အလုပ်ကို ကောင်းတာပြဲဖစ်စေနောက်လူတွေက
လက်စသတ်ပေးလေ့မရှိပဲ အဲဒီလူနဲ့ပဲအဆုံးသတ်စေလိုက်တဲ့
ယဉ်ကျေးမူကလည်း
ပုဂံခေတ်ကတည်းကစခဲ့ပုံရပါတယ်။
အဆိုးထဲကအကောင်းအနေနဲ့တော့
တဝက်တပျက်သာ
ပြီးစီးခဲ့ပြီး အချောသပ်ဖုံးကွယ်ထားတာတွေမရှိသေးတဲ့အတွက်
ဘုရားကြီးကိုတည်ဆောက်ထားပုံနည်းစနစ်တွေကို နှောင်းလူတွေပိုမိုသိရှိလေ့လာခွင့်ရပါတယ်။
(By Kyaw Min Aung)