မင်္ဂလာစေတီ
ပုဂံမှာနောက်ဆုံးတည်ခဲ့တဲ့ဘုရားတွေထဲကတဆူဖြစ်ပါတယ်။
ပုဂံမပျက်သုဉ်းမီ ပုဂံခေတ်ရဲ့
နောက်ဆုံးဗိသုကာနဲ့အနုပညာလက်ရာတွေကို ဒီဘုရားမှာလေ့လာနိုင်ပါတယ်။
မင်္ဂလာစေတီကို အေဒီ၁၂၇၇ ခုနှစ်မှာ
မြန်မာ့သမိုင်းမှာ
တရုပ်ပြေးမင်းလို့ ထင်ရှားတဲ့ နရသီဟပတေ့မင်း
က တည်ခဲ့ပြီး၁၂၈၃ ခုနှစ်မှာပြီးစီးခဲ့ပါတယ်။
ရွှေစည်းခုံကို နမူနာယူပြီးတည်ထားတယ်လို့ အဆိုရှိပါတယ်။
ဘုရားတည်နေစဉ်မှာပဲ မွန်ဂိုစစ်မက် ဘေးဒဏ်ဟာပုဂံအပေါ်စတင်ကျရောက်လာပြီဖြစ်ပါတယ်။
ဒီဘုရားဟာ ပုဂံကတခြားစေတီပုထိုးတွေလို
တိုင်းပြည်အေးချမ်းသာယာနေစဉ်မှာ တည်ခဲ့ရတာ
မဟုတ်ပဲ တိုင်းပြည်ပျက်ခါနီး ဗရုတ်ဗရက်ကာလပုဂံရဲ့နောက်ဆုံးနေ့တွေမှာ တည်ခဲ့ရတာဖြစ်ပါတယ်။
တိုင်းပြည်အပေါ်ကျရောက်နေတဲ့ကြမ္မာဆိုးတွေကနေ ကင်းလွတ်ဖို့ အတိတ်ကောင်း နမိတ်ကောင်း
ယူတဲ့အနေနဲ့ "မင်္ဂလာ"ဆိုတဲ့ အမည်ပေးခဲ့သလား စဉ်းစားစရာပါ။
ကြီးကျယ်ခဲ့တဲ့ ပုဂံသားတွေရဲ့
နောင်လာနောက်သားတွေအတွက် အမွေအဖြစ်ထားခဲ့တဲ့ နောက်ဆုံးနုတ်ဆက်လက်ရာတွေကို
ဒီဘုရားမှာ လွမ်းမောတမ်းတဖွယ်မြင်တွေ့ရမှာပါ။
ပုဂံမပျက်သုဉ်းမီ ပုဂံခေတ်ရဲ့
နောက်ဆုံးဗိသုကာနဲ့အနုပညာလက်ရာတွေကို ဒီဘုရားမှာလေ့လာနိုင်ပါတယ်။
မင်္ဂလာစေတီကို အေဒီ၁၂၇၇ ခုနှစ်မှာ
မြန်မာ့သမိုင်းမှာ
တရုပ်ပြေးမင်းလို့ ထင်ရှားတဲ့ နရသီဟပတေ့မင်း
က တည်ခဲ့ပြီး၁၂၈၃ ခုနှစ်မှာပြီးစီးခဲ့ပါတယ်။
ရွှေစည်းခုံကို နမူနာယူပြီးတည်ထားတယ်လို့ အဆိုရှိပါတယ်။
ဘုရားတည်နေစဉ်မှာပဲ မွန်ဂိုစစ်မက် ဘေးဒဏ်ဟာပုဂံအပေါ်စတင်ကျရောက်လာပြီဖြစ်ပါတယ်။
ဒီဘုရားဟာ ပုဂံကတခြားစေတီပုထိုးတွေလို
တိုင်းပြည်အေးချမ်းသာယာနေစဉ်မှာ တည်ခဲ့ရတာ
မဟုတ်ပဲ တိုင်းပြည်ပျက်ခါနီး ဗရုတ်ဗရက်ကာလပုဂံရဲ့နောက်ဆုံးနေ့တွေမှာ တည်ခဲ့ရတာဖြစ်ပါတယ်။
တိုင်းပြည်အပေါ်ကျရောက်နေတဲ့ကြမ္မာဆိုးတွေကနေ ကင်းလွတ်ဖို့ အတိတ်ကောင်း နမိတ်ကောင်း
ယူတဲ့အနေနဲ့ "မင်္ဂလာ"ဆိုတဲ့ အမည်ပေးခဲ့သလား စဉ်းစားစရာပါ။
ကြီးကျယ်ခဲ့တဲ့ ပုဂံသားတွေရဲ့
နောင်လာနောက်သားတွေအတွက် အမွေအဖြစ်ထားခဲ့တဲ့ နောက်ဆုံးနုတ်ဆက်လက်ရာတွေကို
ဒီဘုရားမှာ လွမ်းမောတမ်းတဖွယ်မြင်တွေ့ရမှာပါ။
စေတီမှာပစ္စယံသုံးဆင့်ရှိပြီး ဇာတက ဝတ္ထ ုထဲက ပုံတွေကိုထွင်းထားတဲ့ လက်ရာမြောက် စဥ့်အုတ်ချပ်တွေ ပတ်ပတ်လည်ခြယ်မူန်းထားပါတယ်။
ဘုရားပရဝုဏ် အတွင်းမှာ ယခင်ကဘုန်းကြီးကျောင်းဆောင်များ အစီအရီ ရှိခဲ့တယ်လို့ဆိုပါတယ်။
အခုအခါမှာတော့အုတ်ပိတကတ်တိုက် တလုံးကိုတော့အကောင်းပကတိတွေ့နိုင်ပါသေးတယ်။
ကူဘလိုင်ခန်ထံသွားရောက်အရေးဆိုခဲ့တဲ့
ရှင်ဒိသာပါမောက်ရဲ့ကျောက်စာကို ဒီစေတီ အနောက်ဖက်ဂူတခုအတွင်းကနေတွေ့ရှိခဲ့တာဖြစ်ပြီး အခုအခါပုဂံပြတိုက်မှာ လေ့လာနိုင်ပါတယ်။
မင်္ဂလာစေတီဟာ ပုဂံရဲ့အနောက်ဖက်ယွန်းယွန်း
ဧရာဝတီမြစ်ဘေးမှာတည်ရှိပြီး အပေါ်ဆုံးပစ္စယံ
အထိတက်ခွင့်ပေးထားတဲ့ ရှားရှားပါးပါးစေတီတွေထဲက တဆူ ဖြစ်တဲ့အတွက်
ပုဂံတမြို့လုံးက ဘုရားတွေကို မွန်းလွဲပိုင်းမှာ မြင်ကွင်းကျယ်(Panorama view) ဓာတ်ပုံရိုက်လို့ကောင်းတဲ့ နေရာတခုဖြစ်ပါတယ်။
(Kyawmin Aung)
ဘုရားပရဝုဏ် အတွင်းမှာ ယခင်ကဘုန်းကြီးကျောင်းဆောင်များ အစီအရီ ရှိခဲ့တယ်လို့ဆိုပါတယ်။
အခုအခါမှာတော့အုတ်ပိတကတ်တိုက် တလုံးကိုတော့အကောင်းပကတိတွေ့နိုင်ပါသေးတယ်။
ကူဘလိုင်ခန်ထံသွားရောက်အရေးဆိုခဲ့တဲ့
ရှင်ဒိသာပါမောက်ရဲ့ကျောက်စာကို ဒီစေတီ အနောက်ဖက်ဂူတခုအတွင်းကနေတွေ့ရှိခဲ့တာဖြစ်ပြီး အခုအခါပုဂံပြတိုက်မှာ လေ့လာနိုင်ပါတယ်။
မင်္ဂလာစေတီဟာ ပုဂံရဲ့အနောက်ဖက်ယွန်းယွန်း
ဧရာဝတီမြစ်ဘေးမှာတည်ရှိပြီး အပေါ်ဆုံးပစ္စယံ
အထိတက်ခွင့်ပေးထားတဲ့ ရှားရှားပါးပါးစေတီတွေထဲက တဆူ ဖြစ်တဲ့အတွက်
ပုဂံတမြို့လုံးက ဘုရားတွေကို မွန်းလွဲပိုင်းမှာ မြင်ကွင်းကျယ်(Panorama view) ဓာတ်ပုံရိုက်လို့ကောင်းတဲ့ နေရာတခုဖြစ်ပါတယ်။
(Kyawmin Aung)
 |
Comments
Post a Comment