လော့ကာဘီဗုံးခွဲမူကြီး

လော့ကာဘီဗုံးခွဲမူကြီး
written by Kyaw Min Aung

ဗုံးခွဲခံလိုက်ရသည့်လေယါဉ်ကြီး

 
၁၉၈၈ခုနှစ် ခရစ်စမတ်မတိုင်မီ
ရက်အနည်းငယ်အလိုတွင်ဖြစ်သည်။
တိတိကျကျပြောရလျှင်
ဒီဇင်ဘာလ ၂၁ ရက်နေ့ ။
အမေရိကန် ပန်အမ်(Pan Am)လေကြောင်းလိုင်းပိုင် ဘိုးရင်း၇၄၇လေယာဉ်ကြီးသည်
လေယာဉ်ခရီးစဉ်အမှတ် ပီအေ ၁၀၃ ၏
လန်ဒန်-နယူးယောက် ခရီးစဉ်အပိုင်းကိုပျံသန်း
ရန် လန်ဒန်ဟိသရိုးလေဆိပ်ကနေ
ညဦးပိုင်းမှောင်စပျိုးချိန်လောက်တွင် စတင် ထွက်ခွာလာခဲ့သည်။
ပီအေ၁၀၃ရဲ့ ခရီးစဉ်အစက
အနောက်ဂျာမနီနိုင်ငံဖရန်ဖတ်မြို့ဖြစ်ပြီး အဆုံးက အမေရိကန်နိုင်ငံ
ဒက်ထရိုက်မြို့ဖြစ်သည်။
ဖရန်ဖတ်ကထွက်လာတဲ့ဘိုးအင်း၇၂၇လေယာဉ်က လန်ဒန်တွင်နားပြီး ခရီးသည်နှင့် ပစ္စည်းများကို
နယူးယောက်သို့ဆက်လက်ထွက်ခွာမည့်
Clipper maid of the seas ဟုအမည်ပေးထားသောဘိုးရင်း၇၄၇လေယာဉ်ပေါ်သို့
ပြောင်းတင်ပေးခဲ့ခြင်းဖြစ်သည်။
အခုလေယာဉ်ကဘိုးရင်းကထုတ်လုပ်ခဲ့သည့်၇၄၇မျိုးဆက်တွေရဲ့ပထမဆုံးအသုတ်မှာပါပြီး
ှ၁၉၇၂ခုနှစ်ကတည်းက ပင်အမ်ကုမ္ပဏီကိုရောက်ရှိတာဝန်ထမ်းဆောင်ခဲ့ခြင်းဖြစ်သည်။ပျံသန် းချိန်နာရီ၇၅၀၀၀ရှိပြီ။၁၉၈၇ ခုနှစ်က လေယာဉ်တစီးလုံးကို ပြန်လည်စစ်ဆေးမွမ်း
မံပြင်ဆင်မူလုပ်ထားသည်။
လေယာဉ်ပေါ်တွင် ခရီးသည်၂၄၃ဦးနဲ့လေယာဉ်အမူထမ်း၁၆ဦးလိုက်ပါလာကြသည်။
ခရီးသည်အများစုကအမေရိကန်နဲ့ဗြိတိန်နိုင်ငံသားများဖြစ်ကြသည်။

လန်ဒန်က ဒေသကောလိပ်ပရဝုဏ်မှာ semester တခုတက်ခဲ့ပြီးခရစ်စမတ်အိမ်ပြန်လာကြသည့်
နယူးယောက်Syracuse တက္ကသိုလ်မှကျောင်းသားတသိုက်လည်း
ပါလာကြသည်။
လေယာဉ်မှာပျံတက်ပြီးမိနစ်အနည်းငယ်အကြာတွင်
လိုအပ်သောအမြင့်သို့ရောက်သည်နှင့် ရေပြင်ညီအတိုင်း
ဦးတည်ရာသို့ ပုံမှန်အမြန်နူန်းဖြင့် သာသွားနေခဲ့သည်။

ပင်အမ် ၁၀၃ လေယါဉ်ပျံသန်းရာလမ်းကြောင်း

ခရီးသည်အားလုံးသည်
ခရီးရှည်ပျံသန်းရမှာဖြစ်သည့်အတွက်
အေးအေးလူလူ
သက်တောင့်သက်သာရှိနေကြပါသည်။
ခရစ်စမတ်ပိတ်ရက်မှာ
မိသားစုနှင့် ပြန်လည်စုံစည်းဖို့အရေးတွေးပြီး
စိတ်ထဲမှာ ကြည်နူးနေကြပေမည်။

သူတို့အားလုံး့ကြမ္မာဆိုးကြီးတခုနဲ့ မကြာမီ
ကြုံတွေ့ရတော့မယ်ဆိုတာသာသိခဲ့လျှင်...

လေယာဉ်မှာ
လန်ဒန်ဟိသရိုးလေဆိပ်ကနေပျံတက်ပြီး ၃၈မိနစ်အကြာမှာ
စကော့တလန်နိုင်ငံလော့ကာဘီမြို့အထက်
ကောင်းကင်ယံသို့ရောက်ရှိလာခဲ့သည်။

အမြင့်ပေက ၃၁၀၀၀။

ရာသီဥတုကလည်းသာသာယာယာပင်။

မကြာခင်ကုန်းမြေနယ်နမိတ်ကိုကျော်ပြီး
အတ္တလန္တိတ်သမုဒ္ဒရာရေပြင်အစပ်ကိုရောက်တော့မည်။


ထိုအချိန်မှာပင် မမြော်လင့်ပဲ
ပေါက်ကွဲမူတခု လေယာဉ်ပေါ်မှာဖြစ်ပွားခဲ့ပြီး

စက္ကန့်ပိုင်းအတွင်းမှာ
လေယာဉ်ကိုယ်ထည်တခုလုံး တစစီကျိုးပဲ့ထွက်သွားခဲ့သည်။
လေယာဉ်အပျက်အစီး၊အပိုင်းအစတွေကလော့ကာဘီမြို့ဝန်းကျင်တဝိုက်မြေပြင်ပေါ်ကျဆင်းကုန်သည်။
၆မိုင်အမြင့်မှ အတားအဆီးမဲ့ ပြုတ်ကျသွားကြသည့်ခရီးသည်တွေအဖြစ်မှာ
တွေးဝံ့စရာမရှိတော့။
လေယာဉ်ပေါ်ပါလာတဲ့ ၂၅၉ဦးစလုံးအသက်ဆုံးရူံးခဲ့ရသည်။
လေယာဉ်ပေါ်ကပြုတ်ကျလာတဲ့အစိတ်အပိုင်း
ကြီးတခုကရွာထဲကလူနေအိမ်ပေါ်တည့်တည့့်ကျသည်။မီးဘောလုံးကြီး ဝုန်းကနဲထလာပြီး
အနီးအနားအိမ်တွေပါ ဝါးမြိုသွားသည်။
ရွာထဲကလူ၁၁ဦးပါ သေသည့်အထဲအဆစ်ပါသွားသည်။
လေယာဉ်မှအပိုင်းအစကြီးကျပြီးမီးလောင်ခဲ့သည့်နေရာ၌ပေ၁၅၀ကျယ်သည့်ချိုင့့်ကြီးဖြစ်ကျန်ခဲ့သည်။

လေယါဉ်အင်ဂျင်တုံးပြုတ်ကျခဲ့သည့်နေရာ ချိုင့်ဖြစ်ကျန်ခဲ့စဉ်

လေယာဉ်ပျက်ကျပြီးနေ့ချင်းညချင်း
စကော့တလန်ဒေသခံရဲတပ်ဖွဲ့ဝင်များ ဗြိတိသျှ လေကြောင်းမတော်တဆမူ
စုံစမ်းစစ်ဆေးရေးအဖွဲ့ဝင်များ အခင်းဖြစ်ပွားရာနေရာသို့
့ရောက်လာကြသည်။
တရက်နှစ်ရက်အတွင်း အမေရိကန်ပြည်ထောင်စု စုံစမ်းစစ်ဆေးရေးဗျူ ရို
အက်ဖ်ဘီအိုင်မှစုံထောက်များ၊မူခင်းပညာရှင်များ၊ဗုံးကျွမ်းကျင် သူများလည်း ရောက်လာကြသည်။

မြေပြင်၌ရှာဖွေရေးအဖွဲ့များခွဲုပြီး လေယာဉ်ပေါ်ပါသမျှအားလုံး၏အကြွင်းအကျန်များ၊
လေယာဉ်ပျက်အစိတ်အပိုင် းများကို မိုင်သုံးဆယ်
ပတ်လည်အတွင်းပိုက်စိပ်တိုက်လိုက်ရှာကြသည်။

၂၄နာရီအတွင်းမှာပင်လေယာဉ်အမြီးပိုင်း၌တပ်ဆင်ထားသော
လေယာဉ်မောင်းခန်းအသံဖမ်းစက်(cockpit voice recorder) နှင့်
ပျံသန်းမူအချက်အလက်မှတ်တမ်းတင်ကရိယာ(flight data recorder ) တို့ကို
လယ်ကွင်းတခုအတွင်းမှ ရှာတွေ့ခဲ့သည်။
ထိုရီကော်ဒါကိုစစ်ဆေးချက်အရ လေယာဉ်မှူးများအနေနှင့်
 အရေးပေါ်အခြေအနေ တွင်လုပ်ရမည့်
လုပ်ငန်းစဉ်များနှင့်၊ဘေးဒုက္ခရင်ဆိုင်နေရကြောင်းအချက်ပြမူတစုံတရာ
မလုပ်ဆောင် နိုင်ခဲ့ကြောင်း သိရသည်။

ပေါက်ကွဲမူက လေယာဉ်၏ထိန်းချုပ်မူနှင့် ဆက်သွယ်ရေးစနစ်ကိုတမုဟုတ်ချင်း
ဖျက်ဆီးပစ်လိုက်ကြောင်းသုံးသပ်မိသည်။
ရက်အနည်းငယ်အတွင်း ဖောက်ခွဲပစ္စည်း
အစအနများရှာတွေ့လာရသဖြင့် ဗုံးသံသယက ပိုမိုခိုင်မာလာခဲ့သည်။

နာဆာမှလွှတ်တင်ထားသောထောက်လှမ်းရေးဂြိုလ်တုက လေယာဉ်ပျက်ကျသည့်
နေရာတဝိုက်ကိုအသေးစိတ်ရိုက်ထားသောဓာတ်ပုံများကို
ရှာဖွေရေးအဖွဲ့များထံပို့ပေးသည်။
ထိုဓာတ်ပုံများမှတဆင့် အပျက်အစီးအပိုင်းအစများ ကျရောက်နေသောနေရာများကို သိရပြီး
မြေပြင်အဖွဲ့များက  လွယ်လွယ်ကူကူရှာတွေ့နိုင်ကြသည်။
စကော့တလန်စစ်တပ်နှင့်ရဲဖက်မှ ရဟတ်ယာဉ်များဖြင့် ကောင်းကင်မှရှာဖွေသည်။

မြေပြင်ပေါ်ရှိ လေယာဉ်ပျက်မှတွေ့ရသည့် ပစ္စည်းမှန်သမျှကို တခုချင်း
ပလပ်စတစ်အိတ်ဖြင့်ထုပ်ပိုး၊အညွှန်းစာ ရေးထိုးပြီး
ယာယီပစ္စည်းစုဆောင်း သိုလှောင်စစ်ဆေးရေးစခန်းလုပ်ထားသော
လော့ကာဘီရှိကျောင်းအားကစားရုံသို့ပို့သည်။
ထိုနေရာ၌ ပညာရှင်များက ပစ္စည်းတခုချင်းကိုX ray ရိုက်
အသေးစိတ်စစ်ဆေးပြီးသဲလွန်စရှာဖွေကြသည်။
စုစုပေါင်းပစ္စည်း အပိုင်းအစပေါင်းလေးသန်းကျော်ကိုစစ်ဆေးခဲ့ရသည်။
တွေ့ရှိသောလေယာဉ်အစိတ်အပိုင်းအပျက်အစီးမှန်သမျှကို
အင်္ဂလန်နိုင်ငံ Farnborough လေယာဉ်ကွင်းသို့ပို့သည်။
ထိုနေရာ၌ ရလာသည့်အစိတ်အပိုင်းတွေကိုတစစီဆက်ပြီး နဂိုလေယာဉ်ကိုယ်ထည်ပုံစံရလာအောင်
ပြန်တည်ဆောက်ယူသည်။

လေယါဉ်အပျက်အစီးအစအနများကိုပြန်လည်ဆက်စပ်တည်ဆောက်ယူသည်

ထိုသို့တည်ဆောက်ကြည့်သည့်အခါ
လေယာဉ်ရှေ့ပိုင်းကြမ်းခင်းဝဲဖက်၌လက်မ၂၀ခန့့်ကျယ်သည့်အပေါက်ဖြစ်နေတာကိုသွားတွေ့သည်။
အပေါက်ပုံစံကိုကြည့်ခြင်းဖြင့်ကြမ်းခင်းအပေါ်ရှိ
ခရီးဆောင်သေတ္တာများထားသော
ကွန်တိန်နာအခန်းမှလာသောပေါက်ကွဲမူကြောင့်ဖြစ်ကြောင်းကောက်ချက်ချနိုင်ခဲ့သည်။
ရှာဖွေတွေ့ရှိရသော တိုရှီဘာကက်ဆက်မှ
ဆားကစ်ဘုတ်ပြားနှင့်Timer၌
Semtexဓာတုပစ္စည်းသဲလွန်စတွေ့ရသဖြင့်ဗုံးပေါက်ကွဲမူဖြစ်ကြောင်းသေချာသွားသည်။

ဗုံးထည့်ယူလါသည့်တိုရှီဘာကက်ဆက်အမျိုးအစား

ကွန်တိန်နာထဲ၌ ဗုံးပါသောခရီးဆောင်
သေတ္တာ၏တည်နေရာကို အကြိမ်ကြိမ်စမ်း
သပ်မူများလုပ်ခြင်းဖြင့်မှန်ကန်စွာခန့်မှန်းနိုင်ခဲ့ရုံမက
ခရီးဆောင်သေတ္တာ၏
အရောင်၊အမှတ်တံဆိပ်၊မော်ဒယ်တို့ကိုပါ
့သိရှိနိုင်ခဲ့သည်။
ပေါက်ကွဲစေသည့်symtex ဓာတုပစ္စည်း
အစအနများတွယ်ကပ်နေသည့်အနေအထား၊အနီးကပ်ဗုံးပေါက်ကွဲလောင်ကျွမ်း
ထားမူပုံစံတို့ကို စစ်ဆေး၍ ဗုံးပါသည့်လက်ဆွဲသေတ္တာအတွင်းရှိအဝတ်အစားတို့ကိုလည်း
ခွဲခြားဖော်ထုတ်နိုင်ခဲ့သည်။

အဝတ်အထည်ပေါ်မှတွေ့ရသည့်အမှတ်အသားများကလည်းတရားခံရှာတွေ့ဖို့အထောက်အကူပြုနိုင်ခဲ့သည်

နောက်ဆုံးတွင်
တိုရှီဘာအမျိုးအစားရေဒီယိုကက်ဆက်ထဲ အချိန်ကိုက်ကရိယာတပ်ထားသောပလပ်စတစ်ဗုံးကိုလျို့ဝှက်ထည့်ထားပြီး အဝတ်အစားများနှင့့်ဖုံးအုပ်ကာ Samsonite ခရီးဆောင်သေတ္တာဖြင့်သယ်ယူခဲ့ခြင်းုဖြစ်ကြောင်းကောက်ချက်ချနိုင် ခဲ့သည်။

စုံစမ်းစစ်ဆေးမူများတနှစ်ခွဲခန့် ပြု လုပ်ပြီးနောက်
၁၉၉၀ဇူလိူင်လတွင် ဗြိတိန်လေကြောင်း
အာဏာပိုင်အဖွဲ့ စုံစမ်းစစ်ဆေးရေးဗျူ ရိုက
Pan AM ၁၀၃ လေယာဉ်သည်
ဗုံးဖောက်ခွဲခံရခြင်းဖြစ်ကြောင်း ကျေညာနိုင်ခဲ့သည်။
ခရီးဆောင်သေတ္တာ၏လာရာလမ်းကြောင်းအစမှာမော်တာ(Malta) ဖြစ်ပြီး ခရီးသည်မပါပဲ
ဖရန်းဖတ်လေဆိပ်သို့ Air Malta လေကြောင်းမှတဆင့်ပို့လိုက်ခြင်းဖြစ်ကြောင်း
ထိုမှတဆင့်PA 103 လေယာဉ်ခရီးစဉ်သို့လွှဲ
ပြောင်းပေးလိုက်ကြောင်းကို လေဆိပ်ကုန်သေတ္တာတာဝန်ခံများမှ စုံစမ်းသိရှိခဲ့ရသည်။

ဗုံးပါသည့်ခရီးဆောင်သတ္တာအတွင်းက ဟု ယူဆရသည့်အဝတ်အစားအပိုင်းအစ၌တွေ့ရသည့် brandနှင့်အမှတ်အသားများအရ ထိုအဝတ်အစားများကိုမော်လတာ၌ချုပ်လုပ်  ခြင်းဖြစ်ကြောင်းတွေ့ရပြန်သည်။
ထိုတွေ့ရှိရသည့်အချက်အလက်များအရ
မော်လတာသို့သွားရောက်စုံစမ်းရာ
လစ်ဗျားလူမျိုးနှစ်ဦးက
ထိုအဝတ်အထည်များကိုဗုံးမကွဲမီတပတ်အလိုလောက်ကဝယ်သွားခဲ့ကြောင်း
မှတ်မိသည့် ဆိုင်ရှင်က စုံထောက်များကိုပြောပြသည်။

ဗုံး၌တပ်ဆင်သည့်MST13 Timerကိုထုတ်လုပ်သည်မူရင်းနေရာကို
လိုက်စုံစမ်းရာဆွစ်ဇာလန်ရှိကုမ္ပဏီတခုဖြစ်နေသည်။ထိုကုမ္ပဏီကိုသွားရောက်စုံစမ်းမေးမြန်ရာ
လစ်ဗျားထောက်လှမ်းရေးအရာရှိ ဗိုလ်မှူး Magrahiကအော်ဒါမှာသည့်အတွက်
ထိုကရိယာကိုထုတ်လုပ်ပေးခဲ့ကြောင်းစုံစမ်း
သိရှိခဲ့ရသည်။
သုံးနှစ်တာကာလအတွင်း အမူနှင့်ပတ်သက်၍
ပစ္စည်းအမျိုးပေါင်းလေးသောင်းကျော်ကိုစစ်ဆေးခဲ့ရပြီလူပေါင်းတသောင်းခွဲကျော်ကို
တွေ့ဆုံ၊မေးမြန်း၊စစ်ကြောခဲ့ရသည်။ထိုမေးမြန်းစစ်ဆေးခံရသူများတွင်
သေဆုံးသူတို့၏မိသားစုဝင်များလည်းပါဝင်သည်။
တချို့မှာကွန်ကရက်ရှေ့ မှောက်အထိသွားရောက်အစစ်ခံကြရသည်။
Pan Amလေကြောင်းကုမ္ပဏီမှာလည်း
ဤလေယောဉ်ပေါက်ကွဲမူဖြစ်ပြီး အတော်လေးအထိနာခဲ့ရသည်။
တရားစွဲဆိုမူ များစွာနှင့့်ရင်ဆိုင်ရသည်။လေကြောင်းလုံခြုံရေးဥပဒေချိုးဖောက်မူဖြင့်ပြည်ထောင်စုအစိုးရသို့ဒဏ်ကြေးဒေါ်လာ၆သိန်းခွဲဆောင်ရသည်။
၁၉၉၁ခုနှစ်တွင် လေယာဉ်ပြေးဆွဲမူအားလုံး
ရပ်နားလိုက်ပြီးကုမ္ပဏီမှာဒေဝါလီခံခဲ့ရသည်။
သုံးနှစ်ကြာစုံစမ်းစစ်ဆေးမူများလုပ်ပြီးနောက်-
နောက်ဆုံးတွင်စုံစမ်းထောက်လှမ်းရေးအဖွဲ့က
ဤသို့ကောက်ချက်ချခဲ့သည်။

လစ်ဗျားထောက်လှမ်းရေးအရာရှိ မက်ဂဒါဟီ (Abdel Baset Ali Mohmed Megrahi )နှင့်
သူ့လက်ထောက် ခါလီဖာ ဖီမာ
(Al Amin Khalifah Fhimah) က
တိုရှီဘာအမျိုးအစားကက်ဆက်အတွင်း
အချိန်မှတ်ကရိယာtimerပါသည့်လပ်စတစ်ဗုံးတပ်ဆင်သည်။
ထိုကက်ဆက်ကို မော်တာမှဝယ်သည့်
အဝတ်အစားများထဲရောနှောကွယ်ဝှက်ပြီးSamsomiteခရီးဆောင်သေတ္တာဖြင့် ထည့့်ကာ မော်တာမှ ဖရန့်ဖတ်သို့ပို့လိုက်သည်။ထိုမှတဆင့် ပီအေ ၁၀၃လေယာဉ်ခရီးစဉ်ပေါ်သို့တင်ပေးလိုက်ပြီး လန်ဒန်-နယူးရောက်ခရီးစဉ်အတွင်း၌လေယာဉ်ကို
အချိန်ကိုက်၍ဗုံးခွဲခဲ့ခြင်းဖြစ်သည်။

လစ်ဗျားထောက်လှမ်းရေးအရာရှိ မက်ဂဒါဟီ

၁၉၉၁ခုနှစ်နိုဝင်ဘာလတွင်
အမေရိကန်အက်ဖ်ဘီအိုင်နှင့်စကော့တလန်ရဲတပ်ဖွဲ့ က ဗုံးခွဲတရားခံလစ်ဗျားနိုင်ငံသား
နှစ်ဦးကိုရုံးတင်တရားစွဲရန် ဖမ်းဝရမ်းထုတ်သည်။

အမေရိကန်အစိုးရက လစ်ဗျားခေါင်းဆောင်ကဒါဖီကို အမေရိကန် သို့မဟုတ် ဗြိတိန်သို့
ဗုံးခွဲတရားခံနှစ်ဦးလွဲှပေးရန်တောင်းဆိုသည်။

ကဒါဖီကလွှဲပေးရန်ငြင်းဆန်သည်။
ထို့ကြောင်အမေရိကန်၏တိုက်တွန်းချက်ဖြင့်လစ်ဗျားနိုင်ငံအပေါ်ကုလသမဂ္ဂလုံခြုံရေးကောင်စီက
၁၉၉၂ခုနှစ်တွင်စီးပွားရေးပိတ်ဆို့မူချမှတ်သည်။

၁၉၉၈ခုနှစ်တွင် ကဒါဖီက ကြားနေနိုင်ငံတခုခု၌တရားစစ်ဆေးဖို့ညှိနိူင်းလာသည်။

လစ်ဗျားခေါင်းဆောင် မွမ်မာကဒါဖီ

သူ့အဆိုပြုချက်ကို အမေရိကန်နှင့်ဗြိတိန်တို့က
လက်ခံခဲ့ပြီး နယ်သာလန်နိုင်ငံ ဟယ်ဆင်ကီအနီးရှိ ယခင်အမေရိကန်စစ်စခန်းဟောင်းဖြစ်သော
Camp Zeist၌ စကော့တလန်တရားရုံးဖွင့်ပြီးအမူကို
စကော့တလန်တရားဥပဒေနှင့်အညီ စစ်ဆေးခဲ့ကြသည်။
တရားခံလွှဲပြောင်းပေးခဲ့သဖြင့်
လစ်ဗျားနိုင်ငံအပေါ်ချမှတ်ခဲ့သည့် စီးပွားရေး
ပိတ်ဆို့မူကို ရပ်ဆိုင်းပေးခဲ့သည်။
၂၀၀၁ခုနှစ်တွင် တရားခွင်စစ်ဆေးကြားနာမူများပြီးဆုံး၍
စီရင်ချက်ချမှတ်သည်။

မက်ဂဒါဟီကို အမြင့်ဆုံးပြစ်ဒဏ်၂၇နှစ်ချမှတ်ခဲ့ပြီး ဖီမာ ကိုအပြစ်မရှိ၍ပြန်လွှတ်ပေးခဲ့သည်။
(စကော့တလန်၌ သေဒဏ်မရှိပေ)
၂၀၀၃ခုနှစ်တွင် ကဒါဖီက လေယာဉ်ဗုံးခွဲမူအတွက်တာဝန်ရှိကြောင်းဝန်ခံခဲ့ပြီးသေဆုံးခဲ့သည့်ခရီးသည်မိသားစုများကိုလျော်ကြေးဒေါ်လာ၂.၇ဘီလီယံပေးရန်
သဘောတူခဲ့သည်။
သို့သော်ဗုံးခွဲမူကို သူအမိန့်ပေးခဲ့ကြောင်းတော့
မည်သည့်အခါမှဝန်မခံခဲ့ပါ။

မက်ဂဒါဟီ သည် စကော့တလန်အကျဉ်းထောင်၌ထောင်ဒဏ်ကျခံနေရစဉ်အတွင်း
ပရော့စတိတ်ကင်ဆာဝေဒေနာကိုခံစားလာခဲ့ရသည်။
၂၀၀၉ခုနှစ် သြဂုတ်လတွင်
ကင်ဆာနောက်ဆုံးအဆင့်သို့ရောက်နေပြီဖြစ်၍
သေခါနီးနောက်ဆုံးအချိန်ကို မိသားစုနှင့့်အတူတကွနေနိုင်ရန်
စကော့တလန်အစိုးရကပြန်လွှတ်ပေးခဲ့သည်။

လစ်ဗျားသို့ပြန်လာသည့်သူ့ကို ကဒါဖီနှင့်ပြည်သူများက သူရဲကောင်း
တဦးပမာသောင်းသောင်းဖြဖြကြိုဆိုခဲ့ကြသည်။
ထရီပိုလီမြို့ရှိ အကောင်းဆုံးဆေးရုံ၌ ဆေးကုပေးသည်။

သူ့ကိုသုံးလလောက်သာအသက်ရှင်မည်
ထင်ပြီး လွှတ်ပေးခဲ့ပေမယ့် တော်တော်နဲ့
မသေနိုင်ပဲ သုံးနှစ်လောက်နေသွားခဲ့ရပြီး

၂၀၁၂ခုနှစ်မေလမှ သေဆုံးသွားခဲ့ပါသည်။

သူမသေမီ သူ့ကို
ရိုက်တာသတင်းဌာနကအင်တာဗျူ းလုပ်ခဲ့ပါသေးသည်။
ထိုရုပ်သံအင်တာဗျူ းတွင်
သူ့မှာအပြစ်မရှိကြောင်း၊တချိန်မှာအထောက်အထားအသစ်တွေ တွေ့လာပြီးသူ့ရဲ့
အပြစ်ကင်းစင်မူကိုသက်သေထူနိုင်မှာဖြစ်တယ်လို့ပြောဆိုသွားခဲ့သည်။
(Written by Kyawmin Aung)