ဓမ္မရာဇက ဘုရား

သမိုင်းထဲကဒီနေ့
 

Thaksin the Great

၁၇၆၇ ခုနှစ်ဇီဇင်ဘာ၂၈ ရက်မှာယိုးဒယားကိုသိမ်းပိုက်ထားတဲ့မြန်မာ
တပ်တွေကိုခုခံတော်လှန် နေတဲ့တော်လှန်ရေးခေါင်းဆောင်သက်ဆင်ဟာယိုးဒယားနိုင်ငံရဲ့ဘုရင်အဖြစ်သူ့ကိုယ်သူ ကျေညာပါတယ်။
မြန်မာတပ်တွေဟာအယုဒ္ဓယကိုခြေမူန်းဖျက်ဆီး
လိုက်တဲ့အချိန်မှာ ဘုရင်Ekkaratသေဆုံးသွားပြီး အယုဒ္ဓယ မင်းဆက်လည်းပြတ်သွားခဲ့ပါတယ်။
နှစ်ပေါင်းလေးရာကျော်ကြာရှည်ခဲ့တဲ့
အယုဒ္ဓယခေတ်ဟာ မြန်မာတွေရဲ့ကျူ းကျော်မူ ကြောင့် အဆုံးသတ်သွားခဲ့ရပါတယ်။

၁၇၆၇ ခုနှစ် အယုဓယ သိမ်းမြန်မာစစ်ချီလမ်းကြောင်း

န

ဒီလိုအချိန်မှာတရုပ်နွယ်ဖွားတဦးဖြစ်တဲ့
သက်ဆင်ဟာ ခုခံစစ်ဆက်လက်ဆင်နွဲနေရင်း တရုပ်စစ်မက်ဘေးရန်ကြောင့်မြန်မာတွေ ယိုးဒယား ဖက်မလှည့်နိုင်ဖြစ်နေတဲ့အချိန်မှာ နိုင်ငံကို
လျင်လျင်မြန်မြန်ပြန်လည်စုစည်းနိုင်ခဲ့ပါတယ်။အယုဒ္ဓယကျဆုံးပြီး၆လအတွင်းမှာ မင်းဆက်တခုကိုပြန် လည်ထူထောင်နိုင်ခဲ့ပါတယ်။ရစရာမရှိအောင်ပျက်စီးသွားတဲ့အယုဒ္ဓယကို
စွန့်လွှတ်ပြီးဘန်ကောက်တဖက်ကမ်းက
Thonburyမှာမြို့တော်သစ်တည်ပါတယ်။

Ancient Thonbury City

သူဟာအဲဒီThonburyမင်းဆက်ကိုထူထောင်သူ ဖြစ်သလိုပဲThonburyမင်းဆက်ရဲ့တဦးတည်းသောဘုရင်လည်းဖြစ်ပါတယ်။အကြောင်းရင်းကတော့သူ့ရဲ့စစ်သူကြီးဖြစ်သူ
ချက်ကရီရဲ့ လုပ်ကြံသတ်ဖြတ်ထီးနန်းသိမ်းပိုက်တာခံလိုက်ရလို့ပါပဲ။
ချက်ကရီရဲ့ဖခင်ဟာမွန်သွေးပါသူတဦး
ဖြစ်ပါတယ်။

ချက်ကရီဟာရာမဘွဲ့ခံယူပြီးမြို့တော်ကိုလည်း
ဘန်ကောက်ကို ပြောင်းရွှေ့လိုက်ပါတယ်။
အဲဒါဟာယနေ့ထိတည်တန့်နေတဲ့
ချက်ကရီမင်းဆက်ရဲ့အစဖြစ်ပါတယ်။

**********
သက်ဆင်ဘုရင်လက်ထက်မှာထင်ရှားတဲ့ အဖြစ်အပျက်တခုကတော့ မြန်မာတွေနောက်တကြိမ်ပြန်လာတိုက်တာပါပဲ။မြန်မာတပ်တွေကို ဦးဆောင်လာခဲ့သူကတော့နာမည်ကျော် တရုပ်ကျူးကျော်မူတွေကို အြကိမ်ကြိမ်တွန်းလှန်နိုင်ခဲ့သူအတွေ့အကြုံ ရင့်
စစ်ဗိုလ်ချုပ်ကြီးမဟာသီဟသူရ ပါ။အခုအချိန်မှာတော့အသက်၇၀ကျော်စစ်သားအို
ကြီးဖြစ်နေပါပြီ။
မြန်မာတပ်တွေဟာ ဘန်ကောက်အဝင်လမ်းကြောင်းပေါ်မှာရှိတဲ့
ပိသလောက်မြို့မှာ သက်ဆင်ရဲ့စစ်သူကြီးဗိုလ်ချုပ်ချက်ကရီတပ်တွေ ရဲ့နောက်မဆုတ်တမ်းခုခံမူနဲ့ရင်ဆိုင်ရပါတယ်။

မမြန်မာတပ်တွေဟာရှေ့မတိုးနိုင်ပဲမြို့ကို လေးလကျော်ဝန်းရံထားပါတယ်။
အဲသလိုဝန်းရံနေတုန်းမှာပဲ မဟာသီဟသူရအတွက်နောက်ကြောင်း မအေးစရာကိစ္စတွေကပေါ်လာပါတယ်။နေပြည်တော်မှာ ဆင်ဖြူရှင်မင်းဟာသေကောင်ပေါင်းလဲဖြစ်နေပြီး နတ်ရွာစံတော့မယ့်သတင်းကသူ့ဆီရောက် လာပါတယ်။လက်ရှိအိမ်ရှေ့မင်းသားကမဟာသီဟသူရရဲ့သမီးကိုယူထားလို့သူ့သမက်လည်းတော်စပ်နေပါတယ်။ဆင်ဖြူရှင်ဟာ အလောင်းမင်းတရားရဲ့မှာကြားချက်ကိုသွေဖည်ပြီးညီဖြစ်သူကိုနန်းလျာမထားပဲသားဖြစ်သူစဥ့်ကူးမင်းသားကိုနန်းလျာထားခဲ့တာပါ။
အဲဒါကို အလောင်းမင်းတရားရဲ့သားတော်ကြီးတွေက မကျေမနပ်ဖြစ်နေမှာ တော့သေချာပါတယ်။စဥ့်ကူးမင်းသားချောချောမွေ့မွေ့ထီနန်းဆက်ခံ နိုင်ရေးအတွက်နေပြည်တော်မှာ သူရှိနေဖို့လိုကြောင်းမဟာသီဟသူရ သဘောပေါက်ပါတယ်။သူ့အကူအညီမပါပဲနဲ့ စဥ့်ကူးမင်းသားဟာသြဇာကြီးမားတဲ့အလောင်းမင်းတရားသားတော်ကြီးတွေကို ယှဉ်နိုင်မှာမဟုတ်ကြောင်းသူသိပါတယ်။အဲဒါကြောင့်လက်ရှိစစ်ကို အမြန်ဆုံးပြေငြိမ်းနိုင်ဖို့အတွက်ချက်ကရီကို သူနဲ့တွေ့ဆုံဖို့ အကြောင်းကြားပါတယ်။အသက်အရွယ်ကြီးရင့်နေပြီနေပြီဖြစ်တဲ့ တိုက်တိုင်းအောင်နာမည်ကျော်မြန်မာစစ်ဗိုလ်ချုပ်ကြီးနဲ

့နုပျိုသွက်လက်ဆဲ အားမာန်ပြည့်ဝနေတဲ့ ယိုးဒယားဗိုလ်ချုပ်ချက်ကရီတို့ဟာနှစ်ဖက် တပ်တွေရဲ့အလယ်မှာမြင်းကိုယ်စီနဲ့မျက်နှာချင်းဆိုင်တွေ့ဆုံကြပါတယ်။

မြန်မာဗိုလ်ချုပ်ကြီးကနုပျိုသွက်လက်ဆဲယိုးဒယားဗိုလ်ချုပ်ကိုသူ့ရဲ့စူးရဲတဲ့မျက်လုံးတွေနဲ့အကဲခတ်လိုက်ပြီးအခုလိုပြောပါတယ်။

"မင်းရဲ့ဥပဓိရုပ်က ဘုရင်ဖြစ်မယ့်ဥပဓိရုပ်မျိုးပဲ။
......#.............&................%.................. ဒီနေ့ကစပြီးယိုးဒယားကိုမြန်မာကကျူးကျော်

တိုက်ခိုက်တဲ့နေ့ရက်တွေကုန်ဆုံးသွားပါပြီ။"

မဟာသီဟသူရရဲ့မှတ်ချက်စကားဟာသက်ဆင်ကိုဖြုတ်ချပြီးဘုရင်လုပ်ဖို့ချက်ကရီအပေါ်မှာ
သြဇာသက်ရောက်မူတစုံတရာရှိသွားတယ်လို့ယိုးဒယားရာဇဝင်ဆရာတွေက သုံးသပ်ကြပါတယ်။
(By:Kyaw Min Aung)